ਅੰਮ੍ਰਿਤਸਰ-ਖਾਲਸਾ ਕਾਲਜ ਦੇ ਗਰਲਜ਼ ਹੋਸਟਲ ਵਿਖੇ ‘ਪਰਵਾਜ਼—2024’ ਪ੍ਰੋਗਰਾਮ ਕਰਵਾਇਆ ਗਿਆ। ਕਾਲਜ ਪ੍ਰਿੰਸੀਪਲ ਡਾ. ਮਹਿਲ ਸਿੰਘ ਦੇ ਸਹਿਯੋਗ ਨਾਲ ਕਰਵਾਏ ਇਸ ਪ੍ਰੋਗਰਾਮ ਮੌਕੇ ਹੋਸਟਲ ਦੀਆਂ ਵਿਦਿਆਰਥਣਾਂ ਨੇ ਵੱਖ—ਵੱਖ ਸੱਭਿਆਚਾਰਕ ਗਤੀਵਿਧੀਆਂ ਸੋਲ ਸਿੰਗਿੰਗ ਆਈਟਮ, ਮਾਡਲਿੰਗ, ਵੈਸਟਰਨ ਡਾਂਸ, ਫੋਲਕ ਗੀਤ ਅਤੇ ਗਿੱਧਾ ਇਸ ਦੇ ਨਾਲ—ਨਾਲ ਵਿਦਿਆਰਥਣਾਂ ਨੇ ਹਰਿਆਣਵੀ, ਹਿਮਾਚਲੀ ਤੇ ਡੋਗਰੀ ਡਾਂਸ ਦੀਆਂ ਝਲਕੀਆਂ ਵੀ ਪੇਸ਼ ਕੀਤੀਆਂ।
ਇਸ ਸਮਾਗਮ ਦੀ ਪ੍ਰਧਾਨਗੀ ਕਰਦਿਆਂ ਪ੍ਰਿੰ: ਡਾ. ਮਹਿਲ ਸਿੰਘ ਨੇ ਆਪਣੇ ਸੰਬੋਧਨ ’ਚ ਵਿਦਿਆਰਥਣਾਂ ਨੂੰ ਅਕਾਦਮਿਕ ਵਰਗ ਦੇ ਨਾਲ—ਨਾਲ ਅਜਿਹੀਆਂ ਸੱਭਿਆਚਾਰਕ ਗਤੀਵਿਧੀਆਂ ਕਰਵਾਉਣ ਦੀ ਲੋੜ ’ਤੇ ਜ਼ੋਰ ਦਿੱਤਾ।ਉਨ੍ਹਾਂ ਕਿਹਾ ਕਿ ਅਜਿਹੇ ਸਮਾਗਮ ਵਿਦਿਆਰਥੀਆਂ ਦੇ ਮਨੋਬਲ ਅਤੇ ਆਤਮ ਵਿਸ਼ਵਾਸ ਨੂੰ ਵਧਾਉਣ ’ਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ।ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਨਾਲ ਉਕਤ ਪ੍ਰੋਗਰਾਮ ਵੱਖ—ਵੱਖ ਰਾਜਾਂ ਦੇ ਨਾਚਾਂ ਦਾ ਰਾਸ਼ਟਰੀ ਸਮਾਗਮ ਬਣ ਗਿਆ ਹੈ।
ਇਸ ਮੌਕੇ ਮਾਡਲਿੰਗ ਦੇ ਰਾਊਂਡ ਦੇ ਜੱਜਾਂ ਵਜੋਂ ਪ੍ਰੋ. ਗੀਤਿੰਦਰ ਮਾਨ, ਪ੍ਰੋ. ਜਸਵਿੰਦਰ ਕੌਰ ਔਲਖ ਅਤੇ ਪ੍ਰੋ. ਪੂਜਾ ਕਾਲੀਆ ਨੇ ਅਹਿਮ ਭੂਮਿਕਾ ਨਿਭਾਈ।ਇਸ ਮੌਕੇ ਬੀ.ਏ ਸਮੈਸਟਰ ਛੇਵਾਂ ਦੀ ਵਿਦਿਆਰਥਣ ਅਨੰਨਿਆ ਚੌਧਰੀ ਨੂੰ ‘ਮਿਸ ਹੋਸਟਲ’ ਵਜੋਂ ਚੁਣਿਆ ਗਿਆ। ਇਸ ਮੌਕੇ ਖੇਤੀਬਾੜੀ ਵਿਭਾਗ ਦੇ ਮੁਖੀ ਪ੍ਰੋ. ਰਣਦੀਪ ਕੌਰ ਬੱਲ ਅਤੇ ਡੀਨ ਗਰਲਜ਼ ਵੈਲਫੇਅਰ ਪ੍ਰੋ. ਸਵਰਾਜ ਕੌਰ ਵੀ ਹਾਜ਼ਰ ਸਨ। ਉਕਤ ਪੋ੍ਰਗਰਾਮ ਮੁੱਖ ਵਾਰਡਨ ਪ੍ਰੋ. ਸੁਪਨਿੰਦਰਜੀਤ ਕੌਰ ਦੀ ਯੋਗ ਅਗਵਾਈ ਹੇਠ ਹੋਸਟਲ ਦੇ ਸੁਪਰਡੈਂਟ ਦੀ ਟੀਮ ਦੇ ਨਾਲ ਸ੍ਰੀਮਤੀ ਪ੍ਰਭਜੋਤ ਕੌਰ ਅਤੇ ਸ੍ਰੀਮਤੀ ਸਿਮਰਨਪਾਲ ਕੌਰ ਦੁਆਰਾ ਯੋਜਨਾਬੱਧ ਆਯੋਜਿਤ ਕੀਤਾ ਗਿਆ।