ਚੰਡੀਗੜ੍ਹ-ਗੁਰਦੁਆਰਾ ਨਾਨਕਸਰ ਸਾਹਿਬ ਸੈਕਟਰ 28 ਚੰਡੀਗੜ੍ਹ ਵਿਖੇ 46ਵਾਂ ਸਾਲਾਨਾ ਗੁਰਮਤਿ ਸਮਾਗਮ ਸਮਾਰੋਹ ਸ਼ਰਧਾ ਭਾਵਨਾ ਨਾਲ ਮਨਾਇਆ ਗਿਆ । ਗੁਰਬਾਣੀ ਰੰਗ ਵਿੱਚ ਰੰਗੀਆਂ ਸੰਗਤਾਂ ਨੇ ਸ਼ਰਧਾ ਭਰਪੂਰ ਵੱਡੀ ਗਿਣਤੀ ਵਿਚ ਹਾਜ਼ਰੀ ਲਵਾ ਕੇ ਸਤਿਗੁਰਾਂ ਦੀਆਂ ਖੁਸ਼ੀਆਂ ਪ੍ਰਾਪਤ ਕੀਤੀਆਂ । ਗੁਰਦੁਆਰਾ ਨਾਨਕਸਰ ਸੈਕਟਰ 28 ਦੇ ਮੁੱਖ ਸੇਵਾਦਾਰ ਬਾਬਾ ਗੁਰਦੇਵ ਸਿੰਘ ਜੀ ਦੀ ਅਗਵਾਈ ਵਿੱਚ ਮਨਾਏ ਜਾਂਦੇ ਇਹ ਸਮਾਗਮ ਹਰ ਵੇਰਾਂ ਹੀ ਸੰਗਤਾਂ ਦੇ ਮਨਾਂ ਉੱਪਰ ਇੱਕ ਗੂੜ੍ਹੀ ਛਾਪ ਗੁਰਬਾਣੀ ਸੰਦੇਸ਼ ਦੀ ਛੱਡ ਜਾਂਦੇ ਹਨ ।
ਸੱਚਖੰਡ ਵਾਸੀ ਬਾਬਾ ਸਾਧੂ ਸਿੰਘ ਨਾਨਕਸਰ ਵਾਲਿਆਂ ਦੀ ਯਾਦ ਨੂੰ ਸਮਰਪਿਤ 7 ਰੋਜ਼ਾ ਧਾਰਮਿਕ ਸਮਾਗਮਾਂ ਵਿਚ ਦੇਸ਼ ਦੀਆਂ ਸੰਗਤ ਦੇ ਨਾਲ ਅਮਰੀਕਾ, ਕੈਨੇਡਾ ਆਦਿ ਦੇਸ਼ਾਂ ਤੋਂ ਵੀ ਸੰਗਤ ਨੇ ਇਸ ਮੌਕੇ 'ਤੇ ਹਾਜ਼ਰੀਆਂ ਭਰੀਆਂ | ਸੰਪਟ ਪਾਠ ਦੇ ਭੋਗ ਉਪਰੰਤ ਦੀਵਾਨ ਸਜਾਏ ਗਏ | 46ਵੇਂ ਸਾਲਾਨਾ ਗੁਰਮਤਿ ਸਮਾਗਮ ਦੌਰਾਨ ਸੰਤ ਬਾਬਾ ਲੱਖਾ ਸਿੰਘ ਨਾਨਕ ਕਲੇਰਾਂ ਤੋਂ ਇਲਾਵਾ ਸਿੰਘ ਸਾਹਿਬ ਗਿਆਨੀ ਰਘੁਵੀਰ ਸਿੰਘ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ, ਭਾਈ ਸੁਖਜੀਤ ਸਿੰਘ ਹਜ਼ੂਰੀ ਰਾਗੀ ਸ੍ਰੀ ਦਰਬਾਰ ਸਾਹਿਬ, ਭਾਈ ਬਲਵਿੰਦਰ ਸਿੰਘ ਰੰਗੀਲਾ (ਚੰਡੀਗੜ੍ਹ), ਭਾਈ ਗੁਰਚਰਨ ਸਿੰਘ ਰਸੀਆ ਰਾਗੀ ਜਥਾ ਲੁਧਿਆਣਾ, ਕੁਲਦੀਪ ਸਿੰਘ ਹਜ਼ੂਰੀ ਰਾਗੀ ਨਾਨਕਸਰ ਕਲੇਰਾਂ ਵਾਲੇ, ਬਾਬਾ ਸਰਦਾਰਾ ਸਿੰਘ ਨਾਨਕ ਕਲੇਰਾਂ, ਭਾਈ ਸਤਵੰਤ ਸਿੰਘ (ਸੋਨੂੰ), ਹਜ਼ੂਰੀ ਰਾਗੀ ਨਾਨਕਸਰ ਚੰਡੀਗੜ੍ਹ, ਭਾਈ ਬਲਜੀਤ ਸਿੰਘ ਨਾਨਕਸਰ ਚੰਡੀਗੜ੍ਹ, ਭਾਈ ਧਰਮਿੰਦਰ ਸਿੰਘ ਦੇ ਨਾਲ ਭਾਈ ਮਨਜਿੰਦਰ ਸਿੰਘ, ਭਾਈ ਲਖਵਿੰਦਰ ਸਿੰਘ, ਭਾਈ ਗੁਰਸੇਵਕ ਸਿੰਘ ਰੰਗੀਲਾ, ਭਾਈ ਮਨਜੀਤ ਸਿੰਘ (ਜਗਾਧਰੀ), ਭਾਈ ਜਤਿੰਦਰਪਾਲ ਸਿੰਘ, ਭਾਈ ਜਸਵਿੰਦਰ ਸਿੰਘ, ਭਾਈ ਕਰਨੈਲ ਸਿੰਘ ਨੇ ਵੀ ਸੰਗਤ ਦੇ ਸਨਮੁੱਖ ਹੋਏ | ਕਥਾ ਵਾਚਕ ਭਾਈ ਨਰੈਣ ਸਿੰਘ (ਮੁਜ਼ਫਰ ਨਗਰ) ਤੇ ਭਾਈ ਕਰਨੈਲ ਸਿੰਘ ਵੀ ਸੰਗਤ ਦੇ ਸਨਮੁੱਖ ਹੋਏ |
ਕਥਾ ਵਾਚਕ ਭਾਈ ਨਰੈਣ ਸਿੰਘ (ਮੁਜ਼ੱਫ਼ਰ ਨਗਰ) ਅਤੇ ਭਾਈ ਕਰਨੈਲ ਸਿੰਘ ਵੀ ਸੰਗਤ ਦੇ ਸਨਮੁਖ ਹੋ ਕੇ ਆਪਣੇ ਮਧੁਰ ਕੀਰਤਨ ਦੇ ਜ਼ਰੀਏ ਸੰਗਤ ਨੂੰ ਗੁਰਸ਼ਬਦ ਨਾਲ ਜੋੜਿਆ | ਇਨ੍ਹਾਂ ਸਮਾਗਮਾਂ ਦੌਰਾਨ ਵੱਖ-ਵੱਖ ਖੇਤਰਾਂ ਦੀ ਨਾਮੀ ਸ਼ਖ਼ਸੀਅਤਾਂ ਨੇ ਵੀ ਸ਼ਿਰਕਤ ਕੀਤੀ, ਜਿਨ੍ਹਾਂ 'ਚ ਪੰਜਾਬ ਦੇ ਸਾਬਕਾ ਮੰਤਰੀ ਬਲਬੀਰ ਸਿੰਘ ਸਿੱਧੂ, ਚੰਡੀਗੜ੍ਹ ਦੇ ਸਾਬਕਾ ਸੰਸਦ ਤੇ ਸਾਬਕਾ ਕੇਂਦਰੀ ਮੰਤਰੀ ਪਵਨ ਬਾਂਸਲ, ਚੰਡੀਗੜ੍ਹ ਦੀ ਮੇਅਰ ਸਰਬਜੀਤ ਕੌਰ ਢਿੱਲੋਂ, ਸ਼ੋ੍ਰਮਣੀ ਅਕਾਲੀ ਦਲ ਚੰਡੀਗੜ੍ਹ ਪ੍ਰਧਾਨ ਹਰਦੀਪ ਸਿੰਘ ਬੁਟੇਰਲਾ, ਦਵਿੰਦਰ ਸਿੰਘ ਬਬਲਾ, ਜੀ.ਐਸ. ਰਿਆੜ, ਉਤਮ ਸਿੰਘ (ਅਮਰੀਕਾ), ਹਰਦੀਪ ਸੰਧੂ (ਕੈਨੇਡਾ), ਜਸਪਾਲ ਸਿੰਘ ਮਲਿਕ, ਬਾਬਾ ਸਰਦਾਰ ਸਿੰਘ ਨਾਨਕਸਰ, ਧਰਮਿੰਦਰ ਸਿੰਘ ਦੜੂਆ, ਸਤਿਆਜੀਤ ਸਿੰਘ ਮਜੀਠੀਆ, ਹਰਪਾਲ ਸਿੰਘ ਚੀਮਾ, ਮਨਜੀਤ ਕਲਸੀ, ਮਾਸਟਰ ਗੁਰਚਰਨ ਸਿੰਘ, ਪਰਮਜੀਤ ਸਿੰਘ, ਚਰਨਜੀਤ ਸਿੰਘ, ਗੁਰਪ੍ਰੀਤ ਮੋੜ, ਰਾਕੇਸ਼ ਸਿੰਘ, ਪ੍ਰਵੀਨ ਕੁਮਾਰ ਅਤੇ ਹਰਨਾਮ ਸਿੰਘ ਸੇਖੋਂ ਆਦਿ ਵਲੋਂ ਵੀ ਹਾਜ਼ਰੀਆਂ ਭਰੀਆਂ ਗਈਆਂ | ਸੰਗਤ ਸੈਕਟਰ 16 ਦੇ ਜਨਰਲ ਹਸਪਤਾਲ ਦੀ ਟੀਮ ਵਲੋਂ ਡਾ. ਸਿਮਰਜੀਤ ਕੌਰ ਗਿੱਲ ਦੀ ਅਗਵਾਈ 'ਚ ਲਗਾਏ ਖ਼ੂਨਦਾਨ ਕੈਂਪ 'ਚ 100 ਤੋਂ ਕਰੀਬ ਸਵੈ-ਇੱਛੁਕ ਖੂਨਦਾਨੀਆਂ ਵਲੋਂ ਖੂਨਦਾਨ ਕੀਤਾ ਗਿਆ | ਹਸਪਤਾਲ ਦੇ ਸਟਾਫ਼ ਦੇ ਨਾਲ ਹਰਪਾਲ ਸਿੰਘ ਬੱਲ ਤੇ ਕਰਮਜੀਤ ਸਿੰਘ ਦੀ ਭੂਮਿਕਾ ਵੀ ਸਲਾਹੁਣਯੋਗ ਰਹੀ | ਨਾਨਕਸਰ ਦੀ ਟੀ ਸੇਵਾ ਸਟਾਲ ਵਲੋਂ ਦੁੱਧ, ਚਾਹ, ਕਾਫ਼ੀ, ਜਲੇਬੀਆਂ, ਪਕੌੜਿਆਂ ਸੰਗਤ 'ਚ ਵਰਤਾਏ ਜਾਂਦੇ ਰਹੇ ਉਥੇ ਸਵੇਰ ਤੋਂ ਲੈ ਕੇ ਦੇਰ ਸ਼ਾਮ ਤੱਕ ਗੁਰੂ ਕੇ ਲੰਗਰ ਵੀ ਅਤੁੱਟ ਵਰਤਾਏ ਗਏ |
