ਪ੍ਰਧਾਨ ਮੰਤਰੀ ਅਤੇ ਦਿਲਜੀਤ ਦੋਸਾਂਝ ਵਿਚਾਲੇ ਕਿਹੜੇ-ਕਿਹੜੇ ਵਿਸ਼ਿਆਂ 'ਤੇ ਹੋਈ ਗੱਲਬਾਤ

ਨਵੀਂ ਦਿੱਲੀ- ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਨੇ ਹਾਲ ਹੀ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ ਹੈ। ਇਸ ਮੁਲਾਕਾਤ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਇਆ ਹੈ, ਜਿਸ 'ਚ ਦੋਵਾਂ ਵਿਚਾਲੇ ਗੱਲਬਾਤ ਹੋ ਰਹੀ ਹੈ।

ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਗਾਇਕ ਦਿਲਜੀਤ ਸਭ ਤੋਂ ਪਹਿਲਾਂ ਫੁੱਲਾਂ ਦਾ ਗੁਲਦਸਤਾ ਲੈ ਕੇ ਆਉਂਦੇ ਹਨ ਅਤੇ ਪੀਐੱਮ ਮੋਦੀ ਉਨ੍ਹਾਂ ਦਾ ਸਵਾਗਤ ਕਰਦੇ ਹਨ।

ਇਸ ਤੋਂ ਬਾਅਦ ਪੀਐਮ ਮੋਦੀ ਨੇ ਦਿਲਜੀਤ ਨੂੰ ਕਿਹਾ, "ਚੰਗਾ ਲੱਗਦਾ ਹੈ ਜਦੋਂ ਭਾਰਤ ਦੇ ਇੱਕ ਪਿੰਡ ਦਾ ਇੱਕ ਲੜਕਾ ਆਪਣਾ ਨਾਮ ਦੁਨੀਆ ਵਿੱਚ ਮਸ਼ਹੂਰ ਕਰਦਾ ਹੈ। ਤੁਸੀਂ ਖੁਸ਼ਕਿਸਮਤ ਹੋ ਕਿ ਤੁਹਾਡੇ ਪਰਿਵਾਰ ਨੇ ਤੁਹਾਡਾ ਨਾਮ ਦਿਲਜੀਤ ਰੱਖਿਆ ਹੈ। ਤੁਸੀਂ ਲੋਕਾਂ ਦਾ ਦਿਲ ਜਿੱਤ ਰਹੇ ਹੋ।"

ਇਸ ਤੋਂ ਬਾਅਦ ਦਿਲਜੀਤ ਨੇ ਕਿਹਾ, ''ਅਸੀਂ ਕਿਤਾਬਾਂ 'ਚ ਪੜ੍ਹਦੇ ਸੀ ਕਿ ਮੇਰਾ ਭਾਰਤ ਮਹਾਨ ਹੈ ਪਰ ਜਦੋਂ ਮੈਂ ਪੂਰੇ ਭਾਰਤ ਦੀ ਯਾਤਰਾ ਕੀਤੀ ਤਾਂ ਮੈਨੂੰ ਪਤਾ ਲੱਗਾ ਕਿ ਉਹ ਅਜਿਹਾ ਕਿਉਂ ਕਹਿੰਦੇ ਹਨ। ਮੇਰਾ ਭਾਰਤ ਮਹਾਨ ਹੈ ਅਤੇ ਇੱਥੇ ਯੋਗ ਦਾ ਜਾਦੂ ਸਭ ਤੋਂ ਮਹਾਨ ਹੈ। "

ਇਸ 'ਤੇ ਪੀਐਮ ਮੋਦੀ ਨੇ ਕਿਹਾ ਕਿ ਯੋਗ ਦੀ ਤਾਕਤ ਦਾ ਅਨੁਭਵ ਕਰਨ ਵਾਲਾ ਹੀ ਜਾਣਦਾ ਹੈ।

ਦਿਲਜੀਤ ਨੇ ਪੀਐਮ ਮੋਦੀ ਦੇ ਹੁਣ ਤੱਕ ਦੇ ਸਫਰ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਜਦੋਂ ਅਸੀਂ ਤੁਹਾਡੀ ਯਾਤਰਾ ਨੂੰ ਦੇਖਦੇ ਹਾਂ ਤਾਂ ਤੁਸੀਂ ਸਭ ਕੁਝ ਛੱਡ ਕੇ ਹਿਮਾਚਲ ਕਿਵੇਂ ਚਲੇ ਗਏ। ਫਿਰ ਪ੍ਰਮਾਤਮਾ ਤੋਂ ਇੰਨੀਆਂ ਅਸੀਸਾਂ ਮਿਲਣੀਆਂ, ਇਹ ਤਾਂ ਰੱਬ ਦੀ ਮਰਜ਼ੀ ਹੈ।

ਉਸ ਤੋਂ ਬਾਅਦ ਪੀਐਮ ਮੋਦੀ ਨੇ ਵਾਤਾਵਰਨ ਦੇ ਵਿਸ਼ੇ ਨੂੰ ਲੈ ਕੇ ਗੱਲ ਕਰਦਿਆਂ ਕਿਹਾ ਭਾਰਤ ਵਿੱਚ ਅਸੀਂ ਹਰ ਇਨਸਾਨ ਅਤੇ ਪੌਦੇ ਵਿੱਚ ਵੀ ਪਰਮਾਤਮਾ ਨੂੰ ਵੇਖਦੇ ਹਾਂ ।ਰੀਸਾਈਕਲ ਰੀ ਯੂਜ ਜੈਸੀ ਧਾਰਨਾ ਸਾਡੇ ਖੂਨ ਵਿੱਚ ਹੈ ।ਅਸੀਂ ਸੁੱਟ ਦੇਣ ਵਾਲੇ ਕਲਚਰ ਦੇ ਲੋਕ ਹਾਂ। ਤੁਸੀਂ ਵੀ ਆਪਣੇ ਪ੍ਰੋਗਰਾਮ ਵਿੱਚ ਇਹ ਜਰੂਰ ਕਰ ਸਕਦੇ ਹੋ ਕਿ ਭਾਰਤ ਦੇ ਲੋਕ ਵਾਤਾਵਰਨ ਦੀ ਰੱਖਿਆ ਕਿਵੇਂ ਕਰਦੇ ਹਨ । ਜਿੱਦਾਂ ਮੈਂ ਇੱਕ ਪ੍ਰੋਗਰਾਮ ਸ਼ੁਰੂ ਕੀਤਾ । ਇੱਕ ਪੇੜ ਮਾਂ ਦੇ ਨਾਂ  ।ਜਿਸ ਵਿੱਚ ਅਸੀਂ ਆਪਣੀ ਮਾਂ ਨੂੰ ਯਾਦ ਕਰਦੇ ਹਾਂ । ਮਾਂ ਜਿੰਦਾ ਹੈ ਉਹਨਾਂ ਨੂੰ ਨਾਲ ਲੈ ਲਓ ਅਤੇ ਪੇੜ ਲਗਾਓ । ਉਹ ਮਾਂ ਦੇ ਜੀਵਨ ਦੀ ਸਮਰਿਧੀ ਬਣ ਜਾਵੇਗੀ । ਜੇਕਰ ਮਾਂ ਜਿੰਦਾ ਨਹੀਂ ਹੈ ਤਾਂ ਫੋਟੋ ਲੈ ਕੇ ਜਾਓ ਅਤੇ ਮਾਂ ਨੂੰ ਕਹੋ ਇਹ ਪੇੜ ਮੈਂ ਤੁਹਾਡੇ ਲਈ ਲਗਾ ਰਿਹਾ ਹਾਂ ।

ਇਸ ਤੋਂ ਬਾਅਦ ਦਿਲਜੀਤ ਨਾਲ ਆਪਣੇ ਅਨੁਭਵ ਬਾਰੇ ਗੱਲ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ, "ਜਦੋਂ ਤੁਸੀਂ ਕਿਸੇ ਵੱਡੇ ਸੰਗੀਤ ਸਮਾਰੋਹ ਵਿੱਚ ਜਾਂਦੇ ਹੋ, ਦੂਜੇ ਲੋਕਾਂ ਦੀ ਭਾਸ਼ਾ, ਉਨ੍ਹਾਂ ਦਾ ਸਟਾਈਲ, ਨਵੀਆਂ ਭਾਵਨਾਵਾਂ ਹੁੰਦੀਆਂ ਹਨ ਤਾਂ ਤੁਸੀਂ ਕੀ ਅਨੁਭਵ ਕਰਦੇ ਹੋ?

 ਦਿਲਜੀਤ ਦੁਸਾਂਝ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਭਾਰਤ ਵਿੱਚ ਕੋਚੇਲਾ ਤੋਂ ਵੀ ਵੱਡਾ ਸੰਗੀਤ ਮੇਲਾ ਹੋ ਸਕਦਾ ਹੈ ਕਿਉਂਕਿ ਦੇਸ਼ ਦਾ ਸੱਭਿਆਚਾਰ ਅਮੀਰ ਹੈ। ਅਜਿਹੇ ਸਮਾਗਮਾਂ ਲਈ ਦੁਨੀਆਂ ਭਰ ਤੋਂ ਲੋਕ ਆਉਂਦੇ ਹਨ। ਜੇਕਰ ਅਸੀਂ ਕਿਸੇ ਢਾਬੇ 'ਤੇ ਬੈਠ ਕੇ ਖਾਣਾ ਖਾ ਰਹੇ ਹਾਂ ਅਤੇ ਕੋਈ ਰਾਜਸਥਾਨ 'ਚ ਗੀਤ ਗਾ ਰਿਹਾ ਹੈ ਤਾਂ ਉਸ ਦੀ ਆਵਾਜ਼ ਇੰਨੀ ਸੁਰੀਲੀ ਹੈ ਕਿ ਅਸੀਂ ਹੈਰਾਨ ਰਹਿ ਜਾਂਦੇ ਹਾਂ। ਕਿਉਂਕਿ ਉਹ ਵਿਅਕਤੀ ਪੇਸ਼ੇਵਰ ਨਹੀਂ ਹੈ, ਫਿਰ ਵੀ ਉਹ ਮੇਰੇ ਨਾਲੋਂ ਵਧੀਆ ਗਾ ਰਿਹਾ ਹੈ। ਉਸ ਵਿੱਚ ਬਹੁਤ ਕਲਾ ਹੈ।"

ਇਸ ਤੇ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਹਿੰਦੁਸਤਾਨ ਨੂੰ ਦੁਨੀਆਂ ਦਾ ਰਚਨਾਤਮਕ ਵਰਡ ਸੈਂਟਰ ਬਣਾਉਣ ਦੀ ਆਪਣੀ ਇੱਛਾ ਬਾਰੇ ਦੱਸਿਆ । ਉਹਨਾਂ ਕਿਹਾ ਮੇਰੇ ਮਨ ਵਿੱਚ ਇੱਕ ਕਲਪਨਾ ਹੈ । ਮੈਂ ਕਈ ਵਰਿਆਂ ਤੋਂ ਇਸ ਬਾਰੇ ਸੋਚ ਰਿਹਾ ਹਾਂ , ਲੇਕਿਨ ਹੁਣ ਉਹ ਇਹਦੇ ਉੱਪਰ ਕੰਮ ਕਰ ਰਹੇ ਹਨ । ਸਾਡੇ ਇੱਥੇ ਦੁਨੀਆਂ ਦੀਆਂ ਸਭ ਤੋਂ ਜਿਆਦਾ ਫਿਲਮਾਂ ਬਣਦੀਆਂ ਹਨ।  ਮੈਂ ਚਾਹੁੰਦਾ ਹਾਂ ਕਿ ਦੁਨੀਆ ਵਿੱਚ ਸਭ ਤੋਂ ਵੱਡੀ ਕ੍ਰੀਏਟਿਵ ਇੰਡਸਟਰੀ ਇੱਥੇ ਹੀ ਹੋਵੇ । ਮੈਂ ਦੁਨੀਆਂ ਦੇ ਰਚਨਾਤਮਕ ਵਰਡ ਨੂੰ ਇਕੱਠਾ ਕਰਨ ਬਾਰੇ ਸੋਚ ਰਿਹਾ ਹਾਂ । ਉਹਨਾਂ ਕਿਹਾ ਕਿ ਇੱਕ ਵਾਰ ਜਰਮਨੀ ਦੀ ਚਾਂਸਲਰ ਇੰਜਲਾ ਮਾਰਕਲ ਮੁਲਾਕਾਤ ਦੌਰਾਨ ਸੰਗੀਤ ਉੱਤੇ ਚਰਚਾ ਹੋਈ । ਮੈਂ ਉਹਨਾਂ ਨੂੰ ਕਿਹਾ ਕਿ  ਮੇਰੇ ਦੇਸ਼ ਵਿੱਚ ਸੂਰਜ ਚੜ੍ਹਨ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਸੰਗੀਤ ਹੁੰਦਾ ਹੈ  ਸਾਡੇ ਇੱਥੇ ਹਰ ਪਹਿਰ ਦਾ ਸੰਗੀਤ ਹੁੰਦਾ ਹੈ ਸਾਡੇ ਇੱਥੇ ਗਮੀ ਦੀ ਸਥਿਤੀ ਵਿੱਚ ਵੀ ਅਲੱਗ ਸੰਗੀਤ ਹੈ ਅਤੇ ਖੁਸ਼ੀ ਦੇ ਮਾਹੌਲ ਵਿੱਚ ਵੀ ਅਲੱਗ ਸੰਗੀਤ ਹੈ।

ਪੀਐਮ ਮੋਦੀ ਨੇ ਸਿੱਖ ਇਤਿਹਾਸ ਨੂੰ ਹੋਰ ਵਿਸਥਾਰ ਨਾਲ ਦੱਸਿਆ ਅਤੇ ਕਿਹਾ ਕਿ ਸੱਚਮੁੱਚ ਸਾਹਿਬਜ਼ਾਦਿਆਂ ਦੀ ਕੁਰਬਾਨੀ ਬਹੁਤ ਵੱਡੀ ਹੈ, ਪਰ ਜਿਸ ਤਰ੍ਹਾਂ ਸਿੱਖ ਮਰਿਆਦਾ ਨੇ ਪੰਜਾਬ ਵਿੱਚ ਇਸ ਨੂੰ ਪੂਰਾ ਕੀਤਾ ਹੈ ਉਹ ਹੈਰਾਨੀਜਨਕ ਹੈ। ਮੈਂ ਇੱਥੇ ਆ ਕੇ 26 ਦਸੰਬਰ ਨੂੰ ਵੀਰ ਬਾਲ ਦਿਵਸ ਮਨਾਉਂਦਾ ਹਾਂ। ਮੈਂ ਚਾਹੁੰਦਾ ਹਾਂ ਕਿ ਦੇਸ਼ ਦਾ ਹਰ ਬੱਚਾ ਸਮਝੇ ਕਿ ਬਹਾਦਰੀ ਕੀ ਹੁੰਦੀ ਹੈ। ਵਿਸ਼ਵਾਸ ਕੀ ਸੀ?

ਸਿੱਖ ਧਰਮ ਪ੍ਰਤੀ ਸ਼ਰਧਾ ਦੀ ਗੱਲ ਕਰਦੇ ਹੋਏ ਪੀਐਮ ਮੋਦੀ ਨੇ ਅੱਗੇ ਕਿਹਾ ਕਿ ਕੱਛ ਦੇ ਅੰਦਰ ਤਾਲਪਤ ਵਿੱਚ ਇੱਕ ਗੁਰਦੁਆਰਾ ਹੈ। 2001 ਵਿੱਚ ਜਦੋਂ ਭੂਚਾਲ ਆਇਆ ਤਾਂ ਗੁਰਦੁਆਰੇ ਨੂੰ ਕਾਫੀ ਨੁਕਸਾਨ ਹੋਇਆ ਸੀ। ਗੁਰੂ ਨਾਨਕ ਦੇਵ ਜੀ ਉਥੇ ਠਹਿਰੇ ਸਨ। ਗੁਰਦੁਆਰੇ ਦੇ ਨੁਕਸਾਨ ਨਾਲ ਮੈਨੂੰ ਬਹੁਤ ਦੁੱਖ ਹੋਇਆ ਹੈ। ਉਦੋਂ ਮੈਂ ਕੱਛ ਵਿੱਚ ਵਲੰਟੀਅਰ ਵਜੋਂ ਕੰਮ ਕਰਦਾ ਸੀ। ਭੂਚਾਲ ਤੋਂ ਨੌਂ ਮਹੀਨੇ ਬਾਅਦ ਮੈਂ ਮੁੱਖ ਮੰਤਰੀ ਬਣਿਆ। ਇਸ ਤੋਂ ਬਾਅਦ ਮੈਂ ਕੱਛ ਗਿਆ ਅਤੇ ਸਭ ਤੋਂ ਪਹਿਲਾਂ ਮੈਂ ਗੁਰਦੁਆਰਾ ਬਣਾਉਣ ਦਾ ਫੈਸਲਾ ਕੀਤਾ। ਮੈਂ ਫੈਸਲਾ ਕੀਤਾ ਕਿ ਮੈਂ ਗੁਰਦੁਆਰਾ ਉਸੇ ਤਰ੍ਹਾਂ ਬਣਾਵਾਂਗਾ ਜਿਵੇਂ ਉਸ ਸਮੇਂ ਬਣਾਇਆ ਗਿਆ ਸੀ। ਇਸ ਦੇ ਲਈ ਮੈਂ ਰਾਜਸਥਾਨ ਤੋਂ ਕਲਾਕਾਰਾਂ ਨੂੰ ਲਿਆਇਆ। ਉਸ ਨੇ ਗੁਰੂਦੁਆਰੇ ਨੂੰ ਇਸ ਤਰ੍ਹਾਂ ਬਣਾਇਆ ਹੈ।

ਇਸ ਤੋਂ ਬਾਅਦ ਗਾਇਕ ਦਿਲਜੀਤ ਨੇ ਕਿਹਾ, "ਮੈਂ ਹਾਲ ਹੀ ਵਿੱਚ ਤੁਹਾਡਾ ਇੱਕ ਇੰਟਰਵਿਊ ਦੇਖਿਆ। ਜਦੋਂ ਤੁਸੀਂ ਆਪਣੀ ਮਾਂ ਅਤੇ ਮਾਂ ਗੰਗਾ ਬਾਰੇ ਗੱਲ ਕਰ ਰਹੇ ਸੀ ਅਤੇ ਉਸ ਦੌਰਾਨ ਤੁਸੀਂ ਭਾਵੁਕ ਹੋ ਗਏ, ਇਹ ਮੇਰੇ ਦਿਲ ਨੂੰ ਛੂਹ ਗਿਆ, ਸਾਡੇ ਲਈ ਪ੍ਰਧਾਨ ਮੰਤਰੀ ਇੱਕ ਬਹੁਤ ਵੱਡਾ ਅਹੁਦਾ ਹੈ।" ਪਰ ਕਈ ਵਾਰ ਅਸੀਂ ਭੁੱਲ ਜਾਂਦੇ ਹਾਂ ਕਿ ਉਸ ਪੋਸਟ ਦੇ ਪਿੱਛੇ ਇੱਕ ਪੁੱਤਰ ਅਤੇ ਇੱਕ ਮਨੁੱਖ ਵੀ ਹੈ, ਜਦੋਂ ਤੁਸੀਂ ਆਪਣੀ ਮਾਂ ਅਤੇ ਗੰਗਾ ਮਾਂ ਬਾਰੇ ਗੱਲ ਕਰ ਰਹੇ ਸੀ, ਅਸਲ ਵਿੱਚ ਇਹ ਗੱਲ ਦਿਲ ਨੂੰ ਛੂਹ ਗਈ। ਇਹ ਦਿਲ ਤੋਂ ਆਇਆ ਹੈ, ਇਸ ਲਈ ਇਹ ਦਿਲ ਤੱਕ ਪਹੁੰਚਿਆ ਹੈ."

ਗਾਇਕ ਦਿਲਜੀਤ ਨੇ ਅਹਿਮਦਾਬਾਦ ਦੇ ਗਿਫਟ ਸਿਟੀ 'ਚ ਸ਼ੋਅ ਕਰਨ ਦਾ ਜ਼ਿਕਰ ਕੀਤਾ। ਇਸ ਤੋਂ ਬਾਅਦ ਪੀਐਮ ਮੋਦੀ ਨੇ ਕਿਹਾ ਕਿ ਗਿਫਟ ਸਿਟੀ ਵੀ ਮੇਰਾ ਇੱਕ ਡਰੀਮ ਪ੍ਰੋਜੈਕਟ ਸੀ।

ਪੀਐਮ ਮੋਦੀ ਨੇ ਦਿਲਜੀਤ ਨੂੰ ਕਿਹਾ ਕਿ ਤੁਸੀਂ ਪ੍ਰਸਿੱਧੀ ਸਮੇਤ ਸਭ ਕੁਝ ਹਜ਼ਮ ਕਰ ਲਿਆ ਹੈ। ਇਸ ਨੂੰ ਆਪਣੇ ਮਾਤਾ-ਪਿਤਾ ਦੀਆਂ ਕਦਰਾਂ-ਕੀਮਤਾਂ ਕਹੋ ਜਾਂ ਆਪਣੇ ਗੁਰੂ ਦੀ ਕਿਰਪਾ, ਤੁਸੀਂ ਕਿਸੇ ਚੀਜ਼ ਨੂੰ ਆਪਣੇ 'ਤੇ ਹਾਵੀ ਨਹੀਂ ਹੋਣ ਦਿੱਤਾ।

ਗੱਲਬਾਤ ਦੀ ਸਮਾਪਤੀ ਦੌਰਾਨ ਦਿਲਜੀਤ ਨੇ ਪੀਐਮ ਮੋਦੀ ਲਈ ਪੰਜਾਬੀ ਵਿੱਚ ਇੱਕ ਗੀਤ ਵੀ ਗਾਇਆ। ਗੀਤ ਸੁਣਦੇ ਹੋਏ ਪੀਐਮ ਮੋਦੀ ਨੇ ਤਬਲੇ ਵਾਂਗ ਨੇੜੇ ਪਏ ਟੇਬਲ ਨੂੰ ਵਜਾ ਕੇ ਦਿਲਜੀਤ ਦਾ ਸਾਥ ਦਿੱਤਾ।